काठमाडौं । रास्वापाका सभापति रबि लामिछानेलाई थप १० दिन अनुसन्धानको लागि थुनामा राख्न अदालतले अनुमति दिएको छ । कास्की जिल्ला न्यायाधीश चन्द्रकान्त पौडेलको इजलासले थप १० दिन अनुसन्धानको लागि अनुमति दिएको हो ।
लामिछानेको अघिल्लो म्याद कार्तिक १५ गते सकिएकोमा तिहारको बिदाका कारण सोही दिन देखि गनिने गरी १० दिनको म्याद दिइएको हो । यसको अर्थ लामिछानेमाथि अरु थप पाँच दिनसम्म प्रहरीले अनुसन्धान गर्ने समय पाएको छ ।
यद्यपी प्रहरीले १५ दिनको अनुसन्धानको समय माग गरेको थियो । सहकारी ठगी प्रकरणमा अनुसन्धानका लागि भन्दै प्रहरीले गत कार्तिक २ गते लामिछानेलाई काठमाडौंबाट प्रक्राउ गरी पोखरा लगेको थियो ।
